«StalSınk» kompanııasy – jol jáne kópir qorshaýlaryn óndirý salasynda jetekshi oryn alatyn kásiporyndardyń biri. Ol sondaı-aq metall konstrýksııalardy ystyq myryshtaý boıynsha da Qazaqstanda kóshbasshy sanalady.
Májilis depýtaty óńdeý ónerkásibi elimizdiń ártaraptandyrylǵan ekonomıkasynyń negizi bola alatynyn atap ótti.
Petropavlda jańa óndiris iske qosyldy
– Byltyr Memleket basshysy óz Joldaýynda óńdeý ónerkásibiniń damýyna jańa serpin beretin ýaqyt kelgenin atap ótti. Zań shyǵarýshy retindegi bizdiń mindetimiz – jergilikti jerlerdegi jaǵdaıdy kórý, kásipkerlerge qulaq túrý, bıznestiń damýyna qandaı problemalar kedergi keltiretinin túsiný, sondaı-aq salany qoldaýdyń naqty sharalaryn iske asyrý kezinde memlekettiń jumysyn úılestirý, – dep atap ótti Magerram Magerramov.
Kezdesý barysynda ónerkásiptegi qaýipsizdik, salyqty retteý jáne otandyq taýar óndirýshilerdi memlekettik qoldaý sharalaryn kúsheıtý máselelerine erekshe nazar aýdaryldy. Sondaı-aq, ónimdi satý, otandyq óndirýshilerdiń iri ónerkásiptik jáne ınfraqurylymdyq jobalarǵa qatysýy, qazaqstandyq taýar óndirýshilerdiń tizilimin júrgizý, ulttyq jobalardaǵy qazaqstandyq qamtý úlesi, óńdeý ónerkásibinde sıfrlyq sheshimderdi engizý, sondaı-aq qaýipsizdik talaptary men tehnıkalyq reglamentterge sáıkes kelmeıtin ónimderdiń aldyn alý jónindegi sharalardy kúsheıtý máseleleri talqylandy.
О́ńirge dem bergen óndiris: Túrkistan qalaı túlep jatyr?
Májilis depýtaty tolyq sıkldi otandyq taýar óndirýshiler sanyn kóbeıtýdiń mańyzdylyǵyn atap ótti.
Sondaı-aq, Magerram Magerramov «Qazaqstan Halyq partııasy» fraksııasy byltyr óńdeý ónerkásibi salasynda jumys isteıtin kásipkerlermen birneshe kezdesý uıymdastyrǵanyn atap ótti. Onyń aıtýynsha, bıznespen ózara dıalogtyń mundaı tájirıbesi bıyl da jalǵasatyn bolady.
